Panel dê roja şemiyê, 16ê Gulanê li Westmanska Palatsetê bê kirin; di panelê de pêvajoyên aşitiyê yên li Tirkiyeyê, rola medyayê û perspektîfa diyasporaya li Ewropayê bi awayekî piralî bên nirxandin.
Bername saet di 10.00an de bi qeydkirinê dest pê dike û axaftina vekirinê dê ji aliyê Serokê GGCyê Felat Bozarslan ve bê kirin. Piştre di beşa “Rûniştina Destpêkê – Nêrînek li Pêvajoya Heyî”de Endamê Komîsyona DEM Partiyê û Endamê Şandeya Îmraliyê Cengiz Çiçek wekî axaftvan cih digire. Di rûniştinê de rewşa heyî ya pêvajoya li Tirkiyeyê, geşedanên dawî yên di warê dewlet, civak û medyayê de û çarçoveya ku di raya giştî ya Ewropayê de xuya dike, dê bên nirxandin.
Rûniştina duyem a panelê bi sernavê “Dengên ji Medyaya Herêmî, Navendî û Ewropayê: Veguhastina Şahidan” tê lidarxistin. Di vê rûniştinê de rojnameger Fehim Işık, Alişer Delek, Nevzat Çiçek û Namık Durukan dê bibin axaftvan. Di rûniştinê de veguhastina rasterast a bûyerên li qadê, ezmûnên rojnamegeriya aşitiyê ya li Tirkiyeyê û têkiliyên medyaya navendî û herêmî dê bên nîqaş kirin.
Di rûniştina sêyem a bi sernavê “Nêrînek ji Ewropayê: Perspektîfa Diyasporayê” de akademisyenên li Ewropayê û nûnerên diyasporayê dê biaxivin. Di rûniştina ku moderatoriya wê Fehim Işık dike de, ji Zanîngeha Mälardalenê Doç. Dr. Osman Aytar, ji Diakurdê Keya Îzol û ji Zanîngeha Stockholmê Dr. Mina Sedem dê nirxandinên xwe parve bikin. Di vê beşê de dê bê nîqaşkirin ku çapemeniya Ewropayê pêvajoya li Tirkiyeyê çawa digire dest, berhemên medyaya diyasporayê û têgihiştinên di raya giştî ya Ewropayê de çi ne.
Di beşa dawî ya bernameyê de bi beşdariya hemû axaftvanên ji Tirkiye û Ewropayê forumek dê bê lidarxistin. Di forumê de bendewariyên diyasporayê yên derbarê pêvajoyê de, nirxandinên diyasporaya Kurd a li Ewropayê û pêşniyarên hevpar dê bên nîqaşkirin.
Çalakiya ku kordînatoriya wê Hozan Adar dike, armanc dike ku bi raya giştî ya Ewropayê re derbarê pêvajoya aşitiyê ya li Tirkiyeyê de diyalogeke rasterast û pir-dengî ava bike.
